Five Thing You Must Know About How To Protect Your Device From Hackers!

-

Hanyoyin Da Za A Kare Waya Daga Madatsa

1. A Rinƙa Kulle Waya

Abu na farko da za a yi kuma a rinƙa yi shi ne kulle waya ta hanyar sanya mata tsaro. Duk da sanya wa waya tsaro ya zama ruwan dare, amma game da kariyar waya ba wai sanya wa waya tsaro kamar yadda kowa yake yi shi ne abun nufi a nan ba. Sanya wa waya tsaro da kulle ta na nufin kulle duk wata manhaja da ke cikinta waɗanda ke da mu’amala da hanyar sadarwa, sirrikan waya da makamantansu. Don haka ya na da kyau a rinƙa kulle waya da sanya mata tsaro ta hanyoyin da suka dace.

2. A Yi Hankali Da Sanin Me Ake Sanyawa A Cikin Waya

Lokuta da dama mutane suna amfani da manhajoji da kala-kalan abubuwa ba tare da duba sahihanci da ingancinsu a cikin wayoyinsu ba. Wannan kuma ya kasance sakaci ne mai hatsari. Don haka ya na da kyau a rinƙa kula da duk wani abu da ke cikin waya; a kula da saƙonni, hotuna, bidiyoyi, fayil da makamantansu. A rinka sanin waɗanne abubuwa ne aka sanya a cikin waya kuma waye ya sanya su, sannan mene ne tabbacin wannan abun kasancewarsa sahihi. Misali a irin wayoyin Android da suke ɗauke da fayil da dama, kuma yawancin mutane ba su san amfaninsu ba saboda kasacewar sun danganta ne ga wata manhaja da aka sanya ko gundarin-tsarin-gudanarwa, ya sa wasu ba sa kulawa da duba waɗanne irin fayil ne a cikin wayoyin nasu. Amma duk da haka, akwai wasu fayil da suke kasantuwa a cikin wayoyi da suke saɓa layi; wato daga gani bai dace su kasance a inda suke ba. Don haka duk wani fayil da aka gani a cikin waya ya kamata a duba sahihancinsa da tabbacin kasantuwarsa a matsayinsa na fayil ɗin nan da kuma nau’insa.

3. A San Da Wa Ake Mu’amala

A wannan zamanin waɗanda suke kusa da mutum ma su kan iya cutar da shi  ballantana waɗanda bai sani ba. Don haka ya na da kyau a san da waye ake mu’amala a zahiri da kuma duniyar sadarwa ta yanar gizo. Wasu lokutan abokan mutum za su iya tura masa wasu fayil masu cutarwa ba tare da saninshi ba, kuma an fiye yawan yin hakan ne a dandulan sada zumunta kamar WhatsApp ko Telegram. Ko kuma a tura wa mutum a zahiri ta hanyoyin sadarwarshi. Haka nan a kan tura wa mutum likau ta waɗannan hanyoyin ana cewa ya bi don ya samu wani abu. Amma a zahiri, ko da an san mutumin da ke turo irin waɗannan likau ɗin ko manhajoji, bai kamata a kula da su ba domin yanzu madatsa suna yin kutse cikin asusan mutane su tura wa abokansu irin waɗannan saƙonnin na likau ko manhaja domin a ja ra’ayinsu kan wannan abu, don za su fi yarda idan suka ga abokinsu ne ya tura musu.

4. A Kula Da Manhajojin Da Ake Sanyawa A Cikin Waya

Mafi yawan waɗanda ake yi musu kutse a waya ta hanyar manhajoji ne saboda yawancin mutane ba sa duba sahihancin manhaja kafin sauƙe ta ko sanya ta a cikin wayoyinsu. Akwai manhajojin da ke ɗauke da annobar na’ura wacce da zaran manhaja ta fara aiki a cikin waya za ta nemi hanyar da za ta cutar da wannan wayar. Misali idan manhajar leƙen asiri ce, wataƙila daga sanya ta a cikin wayar ba za a ganta ba ballantana a cire ta, don haka sai ta yi ta neman bayanan sirrikan mutum tana tura wa masu ita. Sannan ana amfani da wannan dama a ƙirƙiri manhaja, wacce ko da ba ta kasance ta cutarwa ba tana ɗauke da likau na tallace-tallace wanda zai iya kai mutum faɗawa cikin hatsari. Yawancin irin waɗannan manhajojin kuma ana tallata su ga mutane ne kan cewa idan aka sanya su a cikin waya za a samu kudi, ko wata garabasa da sauransu. 


5. A Kula Da Sashin Sadarwa

Duk wani abu da zai shigo cikin waya sai ya kasance ta sashin sadarwa ne. Sashinan sadarwan suna da dama, misali sashin sadarwa na yanar gizo, na Wi-Fi ko Bluetooth, na tura fayil daga wata na’ura zuwa wata ta hanyar sanya igiyar caji da sauransu, amma duk waɗannan hanyoyi ba su kasance masu tsaro ba. Abunda ya kamata a yi shi ne a rinƙa kulle Wi-Fi, ko Bluetooth ko Hotspot a duk lokacin da ba a amfani da su, sannan a kula da sashin sadarwan yanar gizo a san ina aka shiga kuma ina ne bai kamata  shiga ba. Har ila yau a rinƙa kula da sashin sadarwan jona igiyar caji don sanya fayil a cikin waya ko wata na’ura –domin a irin wannan yanayin ana samun gurɓacewar annobar na’ura da za ta iya shiga wayar mutum ko na’ura ba tare da saninshi ba.

Comments

Post a Comment

Popular posts from this blog

Yadda zaka ida ceke bayanan ka na tsarin Nisal..

-
Image
Jaridar "ALIB Hausa" ta na sanar da duk wadanda ke bukatar cike Nirsal Covid19 loan da kuma wadanda su ka cika kuma cewar za su iya duba wa ko da baka sami Wani sako/sms ko kiran su ba domin ganin tabbacin matsayinka. Kuma ga misalin yadda ake dubawa kamar haka: 1) kawi ka je wannan shafin nasu http://covid19.nmfb.com.ng amma fa ba space a tsakanin rubutun. 2) sannan idan shafin ya bude,  ka duba daga kasa za ka ga zabi guda 2, na farko SME na biyu Household, sai ka danna loan din da ka cike,  yawancin mutane Household su ka cike a matsayin zabinsu. 3) kuma ka na dannawa,  shafin zai kai ka inda za ka sa BVN number naka ka yi checking. Sannan kuma: 1) inkuma ba ka dade da yin application ba, to za ka ga 'BVN' does not exist' domin sai BVN na wanda su ka yi aiki akan shi ake dorawa a wurin. 2) ko da sun duba application naka amma ba su gama aikin ba,  to za ka ga 'your application has not been approved,  please check back, later'. 3) kuma idan k
Read more

Ziyarar Mallam Dr. Dikko Umar Radda ga Bankin Raya Africa

-
Image
 Gwamnan Jihar Katsina Ya Ziyarci Bankin raya Africa, Ya nemi tallafin su kan bunkasa harkar Noma, Ilimi da Lantarki. Gwamnan Jihar Katsina, Malam Dikko Umaru Radda, PhD, ya ziyarci Bankin Raya Afirka (AFDB) inda ya gana da Babban Daraktan Bankin, Mista Lamin Barrow a ofishin Bankin da ke Abuja a ranar Alhamis, 8 ga watan Yuni 2023. Ziyarar na da nufin tattauna batun saka hannun jari da tallafin shiga tsakanin Katsina da Bankin don taimakawa wajen bunkasa samar da ayyukan yi da inganta rayuwar al’ummar jihar Katsina. Dr Radda, a cikin jawabin nasa, ya ce, "Muna bukatar taimakon Bankin musamman don magance gibin abubuwan more rayuwa na jihar, kamar wutar lantarki." Ya kuma kara da cewa, makamashin da ake sabuntawa ya kasance wani muhimmin ababen more rayuwa da ake bukata domin samun karuwar tattalin arziki a jihar, wanda hakan ya sanya ziyarar ta zama wajibi. Gwamnan ya kuma bukaci Bankin ya ba da goyon baya don bunkasa muhimman amfanin gona, da suka hada da auduga da ayyukan
Read more

RADDIN MURIC ZUWA GA BISHOP MATHEW HASSAN KUKAH!!!

-
Image
RADDIN MURIC ZUWA GA BISHOP MATHEW HASSAN KUKAH SAKO ZUWAGA BISHOP KUKAH DAGA MURIC: Bishop din Diocese na Sokoto, Rev. Fr. Hasan Kukah, a maganar da yayi jiya ya ba da shawarar cewa ya kamata a yi juyin mulki da wani Dan Kudu ya mamaye kujerar mulkin Najeriya. Ya kuma ambaci Musulunci a matsayin addinin da yake kawo tashin hankali. Kungiyar kare hakkin bil adama ta musulinci ta Najeriya, kungiyar Rajin kare hakkin Musulmi (MURIC), ta bayyana bishop din a matsayin mai muguwar dabi’ar ci da ceto Kuma mai kawo hargitsi. Wannan an bayyana wa manema labarai ne a wata sanarwa da aka fitar a ranar Litinin, 27 ga watan Disamba, 2020 ta hannun Farfesa Ishaq Akintola, daraktan kungiyar. Mun yi matukar mamakin wannan ta hanyar kai hare-haren da aka fara jiya wanda Rev. Hasan Kukah ya kaddamar kan Musulunci saboda tsana ta addini. Bishop din Katolika na Diocese na Sakkwato ya ambaci Musulunci a matsayin addini tashina-tashina. Ya kuma yi kira da a yi juyin mulki ga zababbiyar gwamnatin Shugaba Mu
Read more